indiç
Jentrade
La Aziende pe Assistence Sanitarie n.3 "Friûl de Alte - Culinâr – di Mieç" cun chest sît si propon di furnî une informazion il plui inzornade, precise e clare pussibil a ducj chei che a vuelin savênt di plui su pe sô organizazion e sui servizis ufierts. Dut câs si vise che al pues capitâ che i contignûts dal sît no sedin simpri inzornâts o complets, a dispiet dal impegn de redazion.
torne sùDirit di autôr
Dâts, tescj e elements multimediâi publicâts sul sît de Aziende pe Assistence Sanitarie n.3 "Friûl de Alte - Culinâr – di Mieç" a son protets de leç 22 di Avrîl dal 1941 n. 633 e s.m.i. in materie di “Protezion dal dirit di autôr”, tignint ancje cont de protezion sigurade dal art. 615-ter dal codiç penâl (che al cjastie l’acès abusîf a un sisteme informatic o telematic).
Tescj e elements multimediâi a son di proprietât de Aziende pai Servizis Sanitaris n. 3 "Friûl de Alte" e dai lôr autôrs. Chel che al dopre i contignûts di chest sît al scuen rispietâ i dirits di proprietât inteletuâl de Aziende pe Assistence Sanitarie n.3 "Friûl de Alte - Culinâr – di Mieç" e di tierçs.
L'ûs, la copie, la gjavade fûr di copie, la dade fûr di tescj, di elements multimediâi e dal patrimoni di cognossincis che si cjate su chest sît a son permetudis dome tai limits dal rispiet dal public interès ae informazion, par fins no comerciâls, sigurant la completece dai elements copiâts e pandintti la provenience. La aministrazion e decît la pussibilitât di un ûs ancje a fins comerciâls.
L'ûs, la copie, la gjavade fûr di copie, la dade fûr di cierts dâts a puedin vê – daûr de leç – cundizions difarentis come il consens des personis fotografadis, filmadis o nomenadis.
Cun di plui si improibìs di doprâ, copiâ o dâ fûr i tescj o i elements multimediâi dentri di suazis che a puedin causionâ dams ae imagjin, al onôr, al contegn e ae innomine des personis fotografadis, filmadis o nomenadis.
Si improibìs il mudament di forme e sens dai tescj e dai elements multimediâi che si cjatin in chest sît.
Par chel che a tocje la normative, la Aziende pe Assistence Sanitarie n.3 "Friûl de Alte - Culinâr – di Mieç" no è responsabil di cemût che a vegnin doprâts i contignûts se a son difarents de version uficiâl dai ats metude sul sît, che e je dome chê dai tescj publicâts su cjarte dal Boletin Uficiâl de Regjon FVJ e de Gazete Uficiâl. Par altri o visìn che tal câs di difarencis, chescj ultins a son chei di cjapâ in considerazion rispiet a chei presints sul sît.
torne sùColegament al sît
Il colegament a chest sît al pues jessi metût in vore cence la autorizazion de Aziende pe Assistence Sanitarie n.3 "Friûl de Alte - Culinâr – di Mieç" dome cun chestis cundizions:
- il colegament nol à di confusionâ l’utent su par: la titolaritât dal sît, lis ativitâts dal sogjet che al cree il colegament e chês ufiertis dal sît de Aziende pe Assistence Sanitarie n.3 "Friûl de Alte - Culinâr – di Mieç";
- il colegament al scuen jessi fat in maniere che al indreci diretementri ae home page.
Se lis cundizions sore ditis no son metudis in vore il sogjet che al vûl fâ il colegament al à di visâ la Aziende pe Assistence Sanitarie n.3 "Friûl de Alte - Culinâr – di Mieç" mandant une e-mail cui propris dâts. Cussì a varan di jessi ancje comunicâts ducj i mudaments che a tocjin la publicazion dal colegament (scancelazion, modificazion o altri).
torne sùDoprâ il sît
In nissun câs la Aziende pe Assistence Sanitarie n.3 "Friûl de Alte - Culinâr – di Mieç" si à di tignî tant che responsabil di cualsisei gjenar di dam che al pues capitâ diretementri o indiretementri jentrant tal sît, doprant struments interatîfs, tal no rivâ o no jessi bogns di jentrâi, dal ûs des gnovis publicadis. Si puedin fâ citazions tant pe croniche o recension ma si scuen pandi di dulà che e son tiradis fûr <<Aziende pe Assistence Sanitarie n.3 "Friûl de Alte - Culinâr – di Mieç">> e so URL.
La Aziende pe Assistence Sanitarie n.3 "Friûl de Alte - Culinâr – di Mieç"si risierve il dirit di riprodusi i tescj in altris publicazions.
La Aziende pe Assistence Sanitarie n.3 "Friûl de Alte - Culinâr – di Mieç"e pues mudâ i contignûts dal sît e des notis legâls in cualsisei moment e cence visâ.
torne sùSegnalazion falopis
Se si vessin di lumâ falopis, svaris o intrics tal ûs, si pues visâ par mieç dal form di pueste par segnalazions in merit dal sît, o pûr, indulà che al è, midiant il colegament "commenti/suggerimenti" che si cjate a la fin des pagjinis.
La Aziende pe Assistence Sanitarie n.3 "Friûl de Alte - Culinâr – di Mieç" e pensarà a mendâju in curt.
torne sùAcès a sîts esternis colegâts
La Aziende pe Assistence Sanitarie n.3 "Friûl de Alte - Culinâr – di Mieç" no è responsabil dal contignût di chei sîts che si puedin viodi doprant i colegaments dal sît aziendâl. La completece e precision di chestis informazions a è ad in plen responsabilitât dai sogjets titolârs di chescj sîts.
torne sùDiscjariade e virus informatics
Dut ce si pues scjariâ dal sît, come par esempli la documentazion tecniche, normative, la modulistiche, se no ‘nd è indicazions difarentis, al è libar e gratuit daûr des cundizions stabilidis dal titolâr.
A dispiet di dut ce che la Aziende pe Assistence Sanitarie n.3 "Friûl de Alte - Culinâr – di Mieç" e fâs par che nol sucedi, al pues capitâ che tal sît si cjatin falopis o virus. La Aziende e i siei furnidôrs no son responsabii dai dams di chescj causionâts.
torne sù
stampa