"Nassûts par Lei" al è un progjet nazionâl, screât tal 1999 e metût in vore in gracie de colaborazion jenfri bibliotecaris e pediatris, par mieç de associazion culturâl pediatris, de associazion Italiane bibliotechis e il centri pe salût Onlus di Triest, cul fin di usâ i fruts de etât prescolâr a lei a alte vôs. Par rivâ adore di spandi pardut "Nassûts par Lei" si è dât dongje un coordenament regjonâl fat di pediatris, dai bibliotecaris des cuatri provinciis, dal Centri Salût dal Frut e de Associazion Italiane Bibliotechis - Sezion Friûl Vignesie Julie.
Il principi di fonde dal progjet al è che: dirit di ogni frut al à di sei chel di jessi protet, no dome de malatie e de violence, ma ancje de mancjance di ocasions di disvilup afietîf e cognitîf. Studis sientifics nus pandin che la leture a alte vôs, dai 6 mês ai 6 agns, e à un efiet positîf sie dal pont di viste relazionâl, puartant a infuartî il rapuart gjenitôr-frut, sie di chel cognitîf, zovant sul plan neurologjic, cuntun consecuent svilup dal lengaç e de comprension. Cun di plui la continuitât de leture a fuart e covente a stiçâ e insaldâ tal frut une pratiche a lei che e reste dilunc i agns.
- Nassûts par lei (ITA-FUR-SLO-DE-EN) [pdf - 190.38 KB] (il link al vierç une gnove barconete)
stampa