WhatsAAS3 al è il gnûf canâl Whatsapp de Aziende pe Assistence Sanitarie n.3
Dal prin di Setembar dal 2016 al numar (+39) 335 83 38 88 5 al è atîf il servizi di messaçs di salût de AAS3.
Il servizi al à il fin di trasmeti vie whatsapp informazions di publiche utilitât pai citadins e i pazients de Aziende pe Assistence Sanitarie n. 3 “Friûl de Alte – Culinâr – di Mieç”. WhatsAAS3 al è il canâl di comunicazion mobil interatîf par rindi plui semplice e tempestive la informazion. Al è un canâl dal dut gratuit.
I messaçs a saran inviâts in modalitât broadcast, duncje nissun utent al podarà viodi i contats di chei altris.
Il servizi al è curât dal Ufici Relazions, Comunicazion e Fund Raising.
Il canâl Whatsapp WhatsAAS3 NOL podarà jessi doprât par inviâ segnalazions di cualsisei fate, par chestis comunicazions al è pussibil indreçâsi al Ufici Relazions cul Public al recapit urp@aas3.sanita.fvg.it o ben clamant il numar 0432989406.
N.B. Eventuâls clamadis al numar di telefonie mobile indicât o cu la modalitât di clamade whatsapp NO saran cjapadis in caric. I utents che a doprin il mieç par fins diviers di chel indicât a podaran jessi scancelâts o blocâts.
CONTIGNÛTS
Il servizi al à il fin di informâ la popolazion sui chescj contignûts:
#VITASANA & CO in colaborazion cui Dipartiments de AAS3: piçui conseis par stîi di vite salutârs
#ORGANIZAZION par vê in timp reâl dutis lis notiziis rilevantis che a rivuardin events, modifichis organizativis tai servizis de AAS 3, siopars e simii
I contignûts a saran inviâts in chestis lenghis:
- IT - talian
- FUR – furlan
- SLO – sloven
- DE – todesc
ISCRIZION
1) Se no je za stade instalade sul telefon, scjariait la aplicazion Whatsapp te version adeguade pal propri dispositîf:
2) Metêt tra i propris contats (rubriche) il numar (+39) 335 8338885.
3) Iscrivêtsi al servizi inviant un messaç Whatsapp al numar (+39) 335 8338885 cun chest test: "WHATSAAS3 ON". La iscrizion cence altris specifichis e larà di default te sezion “italiano”.
Si pues iscrivisi ancje:
- ae sezion in lenghe Furlan, scrivint “WHATSAAS3 ON FUR”
- ae sezion in lenghe Slovene, scrivint “WHATSAAS3 ON SLO”
- ae sezion in lenghe Todescje, scrivint “WHATSAAS3 ON DE”
(Par iscrivisi in plui canâi al è suficient inviâ chest messaç: "WHATSAAS3 ON IT FUR/SLO/DE")
Par rimovi la proprie iscrizion al servizi inviâ un messaç cul test "WHATSAAS3 OFF". Cu la spedizion dal messaç di iscrizion, il titulâr de utence telefoniche al declare di vê let e acetât chestis policy e al autorize la Aziende pe Assistence Sanitarie n. 3 “Friûl de Alte – Culinâr – di Mieç” a trasmeti informazions cun Whatsapp.
4) Si consee di regjistrâ il numar Whatsapp de AAS3 te proprie rubriche telefoniche cu la denominazion: "WhatsAAS3”
ORARIS
Il servizi al è atîf di lunis a vinars dai dîs feriâi des 09:00 aes 13:00. Lis domandis di iscrizion inviadis intun orari diviers di chel indicât a saran cjapadis in caric vie pal prin dì lavoratîf sucessîf util.
A intervai di timp significatîfs e sarà richieste la partecipazion a un piçul scandai di gradiment par valutâ la sodisfazion dai utents e la distribuzion gjeografiche e anagrafiche.
N.B. Lis denominazions riferidis a personis, ripuartadis dome te forme masculine, si riferissin cence distinzion a personis di gjenar masculin e feminin.
torne sù
stampa